Основателем монастыря стал преподобный Андроник (1320-е годы – 26.06.1373, 1374 или 1395?). О нем мы узнаем из тех же Житийных описаний. Как значится в «Православной энциклопедии», наиболее полный рассказ об Андронике содержится во второй (по классификации известного исследователя памятников древнерусской письменности Б.М. Клосса) или в первой (по классификации историка Н.С. Тихонравова) редакции Жития преподобного Сергия Радонежского.

Андроник, как и игумен Троицкого монастыря преподобный Сергий Радонежский, был родом из ростовских земель. Юношей Андроник пришел в Троицкий монастырь, умоляя принять его в обитель, «облечь в иноческий образ». Преподобный Сергий Радонежский постриг его в иночество, дав иноческое имя Андроник. Вероятно, это произошло не ранее 1353 года. Инок Андроник любил уединение, безмолвие, преподобный Сергий Радонежский благословил его жить одному в келье. Многие годы провел инок в Троицком монастыре в послушании у игумена Сергия Радонежского (по некоторым сведениям, десять лет). Духовно окрепнув, Андроник мечтал основать свой монастырь. И когда однажды Троицкий монастырь посетил митрополит Алексий, его чаяния сбылись.

Митрополит Московский Алексий, испросив у преподобного Сергия Радонежского любимого его ученика Андроника – «чудесного мужа», наделенного всяческими добродетелями, привел его в Москву, на высокий холм близ Яузы и благословил на строительство храма и создание монастыря. Митрополит жаловал деньги на возведение храма, а великий князь Иоанн II Иоаннович даровал для будущей обители землю.

При игумене Андронике была построена деревянная церковь и, как желал того святитель Алексий, щедро украшена. Освятил этот первый монастырский храм сам митрополит Московский. В храме находилась вложенная им в монастырь икона «Спас Нерукотворный».

Первый игумен Спасо-Андроникова монастыря был почитаем в обители. Вероятно, канонизация преподобного Андроника произошла уже в конце XV века. В 1507 году преподобный Иосиф Волоцкий в «Отвещании любозазорным и сказании вкратце о святых отцах, бывших в монастырех, иже в Рустей земле сущих» называет Андроника в числе наиболее почитаемых русских святых, но общецерковной канонизации его тогда еще не было. Неизвестно, когда были обретены святые мощи преподобного Андроника; они находились в Спасском соборе монастыря до 1918 года.

Вторым, после Андроника, игуменом Спасо-Андроникова монастыря стал преподобный Савва. Он скончался после 1410 года, но не позднее 1420. Время его прославления неизвестно. Память этого святого празднуется в монастыре в один день с преподобным игуменом Андроником. Неизвестно также, когда были обретены мощи святого Саввы. Они покоились в одной раке с мощами преподобного Андроника в Спасском соборе, в арке, в левой (северной) его части. В 1876 году на пожертвования потомственного почетного гражданина А.М. Полежаева была устроена серебряная с позолотой рака с бронзовой позолоченной сенью.

Из книги  Т.В. Барсегян (Куксинская) «Московский Спасо-Андроников монастырь»

Избра́нным от ю́ности своея́ моли́твенником усе́рдным к Сладча́йшему Го́споду Иису́су за зе́млю Росси́йскую благода́рственное пе́ние из глубины́ серде́ц на́ших прино́сим вам, преподо́бнии отцы́. Вы же, я́ко иму́щии ве́лие дерзнове́ние к Судии́ живы́х и ме́ртвых, испроси́те у Христа́ Бо́га грехо́в на́ших проще́ние, да зове́м вам та́ко: Ра́дуйтеся, преподо́бнии отцы́ на́ши Андрони́че и Са́вво, оби́тели Сладча́йшаго Го́спода Иису́са Бо́га на́шего первонача́льницы и пресла́внии чудотво́рцы.

А́нгельское вои́стину ликостоя́ние восполня́ли есте́ богому́дрии отцы́ на́ши Андрони́че и Са́вво, воздева́юще преподо́бнии свои́ ру́це Царю́ веко́в Сладча́йшему Го́споду Иису́су Христу́ моля́щеся о низпосла́нии оби́тели ва́шей всеси́льныя благода́ти Бо́жия. Мы же, стоя́ще в хра́ме ва́шем и покланя́ющеся вси ны́не свято́му образу ва́шему во умиле́нии глаго́лем:

Ра́дуйтеся, преподо́бнии отцы́ на́ши Андрони́че и Са́вво, со а́нгельскими ли́ки моля́щиися за ны Живонача́льной Тро́ице.

Pа́дуйтеся, покрови́тели оби́тели на́шея.

Pа́дуйтеся, хода́таи на́ши усе́рднии.

Pа́дуйтеся, цели́тели боле́зней на́ших теле́сных.

Pа́дуйтеся, уте́шители на́ших печа́лей душе́вных.

Pа́дуйтеся, я́ко всем посеща́ющим оби́тель ва́шу испро́сите ти́хое упокое́ние душе́вное.

Pа́дуйтеся, науча́ющии нас ра́доватися о Го́споде.

Pа́дуйтеся, ско́рби на́ша в ра́дость прелага́ющии.

Pа́дуйтеся, да́рующии нам пресла́дкую благода́ть Христо́ву.

Pа́дуйтеся, весе́лие на́ше духо́вное.

Pа́дуйтеся, ра́досте на́ша, я́ко не забыва́ете чад ва́ших духо́вных.

Pа́дуйтеся, преподо́бнии отцы́ на́ши Андрони́че и Са́вво, оби́тели Сладча́йшаго Го́спода Иису́са Бо́га на́шего первонача́льницы и пресла́внии чудотво́рцы.

Ви́дя душе́вныма свои́ма очи́ма ско́рое свое́ к Бо́гу отше́ствие, преподо́бне о́тче Андрони́че, призва́л еси́ богому́драго Са́вву и благослови́в сего́ пасти́ бра́тию оби́тели твоея́, преста́вился еси́ во оби́тели го́рния, иде́же веселя́ся, пое́ши Бо́гу: Аллилу́иа.

Ра́зум богопросвеще́нный от ю́ности своея́, преподо́бне о́тче наш Са́вво, стяжа́в, и всего́ себе́ покори́в в послуша́ние Христо́во, и́нок преизря́днейший яви́лся еси́ во оби́тели наста́вника твоего́ свята́го Андрони́ка. Мы же, ублажа́юще всечестну́ю па́мять ва́шу, вопие́м та́ко:

Pа́дуйтеся, преподо́бнии отцы́ на́ши, па́стырие на́ши предо́брии.

Pа́дуйтеся, собесе́дницы а́нгелов.

Pа́дуйтеся, кро́тцыи ученицы́ пречу́днаго Се́ргия.

Pа́дуйтеся, в ю́ности свое́й послуша́ние изря́дное тому́ показа́вшии.

Pа́дуйтеся, подража́телие равноа́нгельскаго жития́ своего́ учи́теля и наста́вника.

Pа́дуйтеся, я́ко измла́да смире́ние и терпе́ние, а́ки плоды́ не́кия пречу́дныя возрасти́вшии.

Pа́дуйтеся, Живонача́льныя Тро́ицы песносло́вцы.

Pа́дуйтеся, оби́тели на́шея изя́щное украше́ние.

Pа́дуйтеся, лю́бящих Го́спода пресла́дкое увеселе́ние.

Pа́дуйтеся, я́ко во оби́тель ва́шу сподо́билися есте́ прия́ти святы́й Нерукотворе́нный О́браз Госпо́день на Убру́се.

Pа́дуйтеся, я́ко еще́ на земли́ вам су́щим, в сердца́ ва́ша всели́ся Со́лнце пра́вды Христо́с и Бог наш.

Pа́дуйтеся, преподо́бнии отцы́ на́ши Андрони́че и Са́вво, оби́тели Сладча́йшаго Го́спода Иису́са Бо́га на́шего первонача́льницы и пресла́внии чудотво́рцы.

Си́ла благода́ти Бо́жия преизоби́льно излия́ся на вас, всечестни́и отцы́ на́ши, е́юже просвеща́еми яви́лися есте́ вои́стину исто́чницы чуде́с изоби́льнии, все́м притека́ющим к вам подаю́ще исцеле́ния и просветле́ние душе́вное. Мы же благода́рнии, собра́вшеся в оби́тели ва́шей, вопие́м Бо́гу Спаси́телю на́шему: Аллилу́иа.

Име́я жела́ние пла́менное порабо́тати Го́сподеви и воздви́гнути оби́тель и́ноческую, иде́же воспева́ти Тро́ицу Боже́ственную, преподо́бне о́тче Андрони́че, пове́дал еси́ та́йну се́рдца своего́ преподо́бному Се́ргию, и́же и избра́ тя́ первонача́льником и строи́телем оби́тели Сладча́йшаго Го́спода Иису́са, созда́тися не́когда иму́щия. Те́мже дивя́щеся о́гненней любви́ твое́й ко Го́споду, со стра́хом и любо́вию зове́м ти:

Pа́дуйся, Андрони́че пречу́дный, весь а́ки серафи́м огне́м любве́ Бо́жия горя́й.

Pа́дуйся, всю красоту́ ми́ра сего́ ни во что́ же вмени́вый.

Pа́дуйся, все свое́ помышле́ние, весь ум к Бо́гу вся́ческих впери́вый.

Pа́дуйся, моли́твенниче за нас к Бо́гу те́плый.

Pа́дуйся, я́ко ско́ро послу́шаеши нас, призыва́ющих тя.

Pа́дуйся, кри́не ра́йскаго насажде́ния.

Pа́дуйся, цве́те благоуха́нный, процветы́й во оби́тели ди́внаго Се́ргия.

Pа́дуйся, исто́чниче, напая́яй ни́ву Христо́ву.

Pа́дуйся, наста́вниче прему́дрый свята́го Са́ввы, сподви́жника твоего́.

Pа́дуйся, я́ко тому́ вся своя́ помышле́ния всегда́ открыва́вый.

Pа́дуйся, я́ко с Са́ввою блаже́нным ве́лие тща́ние при строе́нии оби́тели сея́ яви́вый.

Pа́дуйтеся, преподо́бнии отцы́ на́ши Андрони́че и Са́вво, оби́тели Сладча́йшаго Го́спода Иису́са Бо́га на́шего первонача́льницы и пресла́внии чудотво́рцы.

Бу́рею душе́вных волне́ний и плотски́х страсте́й одержи́мый прите́кл еси́ ко гро́бу твоему́, Са́вво богому́дре, священнои́нок и ча́до твое́ духо́вное Ефре́м с рыда́нием, прося́ у тебе́, о́тче честны́й, заступле́ния и по́мощи. И се услы́шал еси́ ско́ро моле́ние его́ и дарова́л еси́ исцеле́ние от неду́га и мяту́щейся души́ ти́хое упокое́ние. Мы же па́мятующе ве́лие сие́ чу́до твое́, из глубины́ серде́ц на́ших вопие́м Бо́гу, ди́вному во святы́х Свои́х: Аллилу́иа.

Слы́шаще лю́дие житие́ ва́ше, преподо́бнии, стека́хуся в ти́хую оби́тель ва́шу и пове́даху вам ско́рби своя́ и неду́ги. Любо́вию же ва́шею обласка́еми с ми́ром идя́ху в до́мы своя́ обновле́ннии душе́ю и те́лом. Мы же взира́юще с любо́вию на всечестно́й о́браз ва́ш, воспева́ем та́ко:

Pа́дуйтеся, преподо́бнии, укроща́ющии стра́сти на́ша теле́сныя вку́пе и душе́вныя.

Pа́дуйтеся,   свети́льницы   лучеза́рнии, просвеща́ющии ду́ши на́ша.

Pа́дуйтеся,  наста́вницы  заблу́дших  от пути́ пра́ваго.

Pа́дуйтеся, гра́да на́шего щит и огражде́ние.

Pа́дуйтеся, во́ини Христо́ви, прогоня́ющии враги́ на́ша.

Pа́дуйтеся, орли́, восперя́ющии ум наш к небе́сным.

Pа́дуйтеся, я́ко бесо́вския полки́ дале́че от нас прогоня́ющии.

Pа́дуйтеся, бра́тии о Христе́ оби́тели на́шея несумне́нная наде́ждо.

Pа́дуйтеся, безмо́лвия изя́щнии учи́телие.

Pа́дуйтеся, посто́м и бде́нием стра́сти своя́ укроти́вшии.

Pа́дуйтеся, сокро́вище неиждива́емое на небеси́ обре́тшии.

Pа́дуйтеся, преподо́бнии отцы́ на́ши Андрони́че и Са́вво, оби́тели Сладча́йшаго Го́спода Иису́са Бо́га на́шего первонача́льницы и пресла́внии чудотво́рцы.

Боготе́чную пречу́дную звезду́, возсия́вшую на восто́це, честны́й Нерукотворе́нный Убру́с Сладча́йшаго Го́спода и Бо́га на́шего Иису́са Христа́ из Царьгра́да пренесе́нный святи́телем Алекси́ем, и́же и поста́ви его́ с че́стию во оби́тели ва́шей, преподо́бнии отцы́ на́ши Андрони́че и Са́вво, всегда́ ви́дяще пред очи́ма на́шима, устрани́мся до́льних попече́ний, с тре́петом взыва́юще Сладча́йшему Иису́су Бо́гу на́шему: Аллилу́иа.

Ви́дев богому́дрый Са́вва жития́ на́шего многоболе́зненнаго суету́ и тле́ние, еще́ же и иноплеме́нных я́ростныя наше́ствия, и́же разоря́ху оби́тель но́ву Спа́сову, всего́ себе́ предаде́ в ру́це Бо́жии, ве́лие показа́ тща́ние, устроя́я оби́тель и утеша́я стра́ждущих, те́мже почита́юще благоче́стное житие́ его́, вопие́м ве́рно:

Pа́дуйся, па́стырю кро́ткий незло́бивый, не забыва́яй ста́до твое́ духо́вное.

Pа́дуйся, тща́тельный де́лателю ни́вы Христо́вы, стра́х Бо́жий в сердца́х на́ших насажда́яй.

Pа́дуйся, благоче́стным житие́м свои́м вся́ окре́стныя стра́ны удиви́вый.

Pа́дуйся, врачу́ безме́здный, исцеля́яй ра́ны душ и теле́с на́ших.

Pа́дуйся, неоскудева́емый исто́чниче благода́ти Христо́вы, е́юже напая́еши ве́рных сердца́.

Pа́дуйся, свети́льниче пресве́тлый, его́же свет све́тит пред челове́ки.

Pа́дуйся, я́ко по глаго́лу Бо́жию вси, ви́дящии до́брая дела́ твоя́, прославля́ют Бо́га Отца́ твоего́ Небе́снаго.

Pа́дуйся, моли́твенниче за нас усе́рдный, моли́твами бо твои́ми прого́ниши от нас ду́хи лука́выя.

Pа́дуйся, целому́дрия и чистоты́ серде́чныя неусы́пный охрани́телю.

Pа́дуйся, учени́че кро́ткий Андрони́ка свята́го, наста́вника своего́.

Pа́дуйся, я́ко зри́ши в небе́сных оби́телех свята́го своего́ наста́вника и с ним призира́еши на оби́тель чад твои́х.

Pа́дуйтеся, преподо́бнии отцы́ на́ши Андрони́че и Са́вво, оби́тели Сладча́йшаго Го́спода Иису́са Бо́га на́шего первонача́льницы и пресла́внии чудотво́рцы.

Пропове́дует ми́ру житие́ ва́ше равноа́нгельское вели́кий град Москва́, иде́же при реце́ Я́узе, на горе́, зри́тся храм Нерукотворе́ннаго Убру́са Госпо́дня, в не́мже почива́ют мо́щи ва́ша честны́я, преподо́бнии. Те́лом у́бо почива́ете на земли́, ду́хом же на небеси́, иде́же ра́дующеся, пое́те Бо́гу Кре́пкому, Живо́му: Аллилу́иа.

Возсия́ нам я́ко со́лнце лучеза́рное оби́тель ва́ша, преподо́бнии отцы́ на́ши Андрони́че и Са́вво, в не́йже с ве́рою моля́щимся да́руете исцеле́ния и просвеще́ние душе́вное. Мы же чи́стым се́рдцем дерза́ем воспева́ти вам та́ко:

Pа́дуйтеся, сокро́вищницы многоце́нныя бога́тство неиждива́емое.

Pа́дуйтеся, сосу́ди избра́ннии Свята́го Ду́ха Уте́шителя.

Pа́дуйтеся, бде́нием и сухояде́нием плоть свою́ умертви́вшии, да ду́хом живе́те Го́споду своему́.

Pа́дуйтеся, ра́дости духо́вныя нас исполня́ющии.

Pа́дуйтеся, моли́твенницы за нас усе́рднии.

Pа́дуйтеся, я́ко ва́шими моли́твами спаса́еми побежда́ем ко́зни диа́вольския.

Pа́дуйтеся, то́ки слез ва́ших бесо́вския полки́ потопи́вшии.

Pа́дуйтеся, науча́ющии нас сокруше́нным се́рдцем к Бо́гу вопия́ти.

Pа́дуйтеся, Правосла́вия столпи́ непоколеби́мии.

Pа́дуйтеся, оби́тель свою́ от е́реси и раско́ла неврежде́нну сохрани́вшии.

Pа́дуйтеся, спаса́ющии нас от душевре́дных уче́ний, и́хже я́ко пле́велы посева́ет лука́вый.

Pа́дуйтеся, преподо́бнии отцы́ на́ши Андрони́че и Са́вво, оби́тели Сладча́йшаго Го́спода Иису́са Бо́га на́шего первонача́льницы и пресла́внии чудотво́рцы.

Хотя́ще пла́менне порабо́тати пресла́дкому и всеще́дрому Иису́су Бо́гу на́шему, потща́лися есте́ ско́рбным и те́сным путе́м в небе́сное оте́чество вни́ти. Сего́ ра́ди мно́гия труды́ и боле́зни подъя́ли есте́, утонча́юще пло́ть свою́, влеку́щую до́лу и усыря́юще дух свой пото́ками слез. Те́мже и побе́дными увяза́вшеся венцы́, с ли́ки преподо́бных прославля́ете просла́вльшаго вас Го́спода, ра́достно пою́ще песнь а́нгельскую: Аллилу́иа.

Но́вое и сла́вное чу́до в Чермне́м мо́ри бысть: кораблю́ бо потопля́ему от волне́ния бу́рнаго и стра́шнаго, святи́тель Алекси́й вопие́т немо́лчно ще́дрому Иису́су, Его́же мо́ре и ве́тры послу́шают: и се внеза́пу тишина́ ве́лия наста́, еще́ же и брег недале́че обре́теся, мы же стоя́ще во оби́тели сей, принесе́нней святи́телем, я́ко не́кий дар обе́тный ще́дрому Бо́гу, всем се́рдцем воспои́м пресла́вных Андрони́ка и Са́вву, игу́менов и строи́телей ея́, глаго́люще:

Pа́дуйтеся, я́ко в хра́ме ва́шем, а́ки в корабли́ не́коем спаса́емся от бу́ри жите́йских попече́ний.

Pа́дуйтеся, я́ко моли́твами ва́шими, а́ки ве́тром благово́нным теце́м к приста́нищу ти́хому и немяте́жному.

Pа́дуйтеся, бу́ри страсте́й на́ших утиша́ющии.

Pа́дуйтеся, путеводи́тели на́ши во Оте́чество на́ше Небе́сное.

Pа́дуйтеся, зве́зды све́тлыя, увеселя́ющия нас в нощи́ грехо́вней.

Pа́дуйтеся, наде́ждо на́ша несумне́нная.

Pа́дуйтеся, тве́рдии ве́ры адама́нты.

Pа́дуйтеся, я́ко во оби́тель ва́шу стека́ются лю́дие мно́зи на покая́ние.

Pа́дуйтеся, я́ко с ли́ки а́нгельскими ра́дуетеся и о еди́нем гре́шнице ка́ющемся.

Pа́дуйтеся, я́ко оби́тель ва́ша честна́я уготовля́ет оби́льную Трапе́зу  Боже́ственную.

Pа́дуйтеся, я́ко ве́рнии наслади́вшеся Тоя́ Трапе́зы веселя́тся о Го́споде ди́вном во святы́х Свои́х.

Pа́дуйтеся, преподо́бнии отцы́ на́ши Андрони́че и Са́вво, оби́тели Сладча́йшаго Го́спода Иису́са Бо́га на́шего первонача́льницы и пресла́внии чудотво́рцы.

Стра́нное и ди́вное виде́ние бы́сть не́когда преподо́бному Се́ргию в пу́стыни Ра́донежской. В те́мную бо ти́хую но́щь, стоя́щу ему́ на моли́тве, услы́ша глас не́кий, зовы́й его́. Откры́вшу же ему́ око́нце, осия́ еѓо внеза́пу ти́хий свет ра́йский, и ви́де мно́жество прекра́сных пти́ц, пресла́дкое испуска́ющих пе́ние. Неве́домый же глас рече́ преподо́бному, я́ко та́ко умно́жатся ученицы́  твоя́.  Сего́ ра́ди ублажи́м мы́сленныя тоя́ пти́цы: ти́хаго Андрони́ка и богому́драго Са́вву, воспева́юще Го́сподеви немо́лчными усты́: Аллилу́иа.

Вси в вы́шних обита́ете, преподо́бнии, и ни́жних ника́коже отступи́ли есте́: всегда́ бо ду́хом посеща́ете нас любо́вию вас почита́ющих и пою́щих:

Pа́дуйтеся, защи́то на́ша и прибе́жище.

Pа́дуйтеся, печа́ль и уны́ние от нас отгоня́ющии.

Pа́дуйтеся, ввысь дух наш всегда́ влеку́щии.

Pа́дуйтеся, усо́пших бра́тий на́ших те́плии моли́твенницы.

Pа́дуйтеся, я́ко вся упокоева́ющияся под се́нию оби́тели ва́шея, под кров свой прие́млющии и за них Тро́ице моля́щиися.

Pа́дуйтеся, я́ко моли́твами ва́шими Влады́ку всех умилостивля́ете.

Pа́дуйтеся, и́ноков богобоя́зненных красото́ любе́зная.

Pа́дуйтеся, ю́ношей и дев боголюби́вых неусы́пнии охрани́тели.

Pа́дуйтеся, ста́рости наде́ждо неруши́мая.

Pа́дуйтеся, всем нам отцы́ духо́внии и наста́вницы благоче́стия.

Pа́дуйтеся, преподо́бнии, и весели́теся, я́ко мзда ва́ша мно́га на небесе́х.

Pа́дуйтеся, преподо́бнии отцы́ на́ши Андрони́че и Са́вво, оби́тели Сладча́йшаго Го́спода Иису́са Бо́га на́шего первонача́льницы и пресла́внии чудотво́рцы.

Вся́кое естество́ а́нгельское удиви́ся, преподо́бнии, пречу́дному житию́ ва́шему на земли́. Сего́ ра́ди просла́ви вас Бог и Оте́ц щедро́т да́ром чуде́с и исцеле́ний, я́же то́чите неоску́дно всем притека́ющим к вам и науча́ете пе́ти Бо́гу, Промысли́телю на́шему: Аллилу́иа.

Вети́и многовеща́ннии недоуме́ют изрещи́, преподо́бнии, си́лу любве́ ва́шея к челове́ком: никто́ же бо тощ и неуте́шен исходи́л еси́ из оби́тели ва́шея. Нам же я́ко не́кий дар любве́ ва́шея оста́вили есте́ святы́й кла́дезь цельбоно́сныя воды́, его́же ископа́ Андрони́к пречу́дный. Те́мже любо́вию воздвиза́еми воспева́ем вам та́ко:

Pа́дуйтеся, Сладча́йшаго Го́спода Иису́са от ю́ности возлюби́вшии.

Pа́дуйтеся, я́ко и нас науча́ете ничто́же в ми́ре сем преходя́щем люби́ти и жела́ти, то́кмо Еди́наго Иису́са Пресла́дкаго.

Pа́дуйтеся, я́ко к кла́дезю ва́шему бли́жнии и да́льнии с ве́рою притека́ют.

Pа́дуйтеся, я́ко че́рплющим во́ду из кла́дезя ва́шего да́руется исцеле́ние.

Pа́дуйтеся, се́рдца на́шего ра́йское увеселе́ние.

Pа́дуйтеся, ума́ на́шего мы́сле кре́пкая.

Pа́дуйтеся, чу́вств на́ших благода́тное очище́ние.

Pа́дуйтеся, ра́досте на́ша, помяни́те нас в стра́шный день су́дный.

Pа́дуйтеся, во́ини Христо́вы кре́пцыи, свободи́те ны от полко́в бесо́вских.

Pа́дуйтеся, ка́мение многоце́нное, и́мже украша́ется возлю́бленная неве́ста Це́рковь Бо́жия.

Pа́дуйтеся, ми́ро благово́нное, его́же обоня́ют боголюби́вых сердца́.

Pа́дуйтеся, преподо́бнии отцы́ на́ши Андрони́че и Са́вво, оби́тели Сладча́йшаго Го́спода Иису́са Бо́га на́шего первонача́льницы и пресла́внии чудотво́рцы.

Спасти́ хотяще ду́шы своя́, преподо́бнии, оста́вили есте́ гре́шный мир, удали́вшеся в пусты́ню Се́ргиеву, в не́йже а́нгельский о́браз прия́ли есте́ и со стра́хом и тре́петом Го́сподеви порабо́тали есте́. Те́мже и сподо́билися есте́ бы́ти строи́тели и первонача́льницы обе́тной оби́тели святи́теля Алекси́я, с ни́мже ны́не пое́те Бо́гу, во святы́х почива́ющему: Аллилу́иа.

Стена́ еси́ несокруши́мая правосла́вному во́инству росси́йскому, дво́ице всехва́льная и досточу́дная, преподо́бнии отцы́ на́ши Андрони́че и Са́вво. И́бо наде́ющеся на моли́твы и заступле́ние ва́ше, не поги́бнем от враг ви́димых и неви́димых; те́мже ра́дующеся ублажа́ем вас та́ко:

Pа́дуйтеся, воево́ды непобеди́мии, и́хже врази́ на́ши трепе́щут.

Pа́дуйтеся, земли́  Росси́йския наде́ждо кре́пкая и неруши́мая.

Pа́дуйтеся, правосла́вныя Росси́йския земли́ пресла́внии чудотво́рцы.

Pа́дуйтеся, во́инов христолюби́вых побе́до несумне́нная.

Pа́дуйтеся, мо́лние блиста́ющая, ея́же ужаса́ются вси христоненави́стнии язы́цы.

Pа́дуйтеся, я́ко моли́твами ва́шими спаса́емся от враго́в на́ших.

Pа́дуйтеся, я́ко убие́нным на по́ли бра́ни во́ином правосла́вным испро́сите у Царя́ царе́й и Го́спода госпо́дствующих венцы́ нетле́нныя.

Pа́дуйтеся, я́ко упокоя́ющимся во оби́тели ва́шей правосла́вным во́ином да́руете ти́хое упокое́ние загро́бное.

Pа́дуйтеся, я́ко оби́тель ва́ша вои́стину ме́сто све́тлое, зла́чное и поко́йное упокоя́ющимся в ней.

Pа́дуйтеся, я́ко всегда́ за Оте́чество на́ше правосла́вное кре́пкаго во бра́нех Го́спода всегда́ умоля́ете.

Pа́дуйтеся, в плене́нии су́щим бра́тиям на́шим при́сное утеше́ние.

Pа́дуйтеся, преподо́бнии отцы́ на́ши Андрони́че и Са́вво, оби́тели Сладча́йшаго Го́спода Иису́са Бо́га на́шего первонача́льницы и пресла́внии чудотво́рцы.

Пе́ние благодаре́ния принося́ще вам, преподо́бнии отцы́ , про́сим вас мы недосто́йнии, уязви́те сердца́ на́ша к любви́ го́рней и пресла́дкой, да чи́стым се́рдцем и нескве́рными усты́ воспое́м Бо́гу на́шему в Тро́ице сла́вимому: Аллилу́иа.

Светоза́рнии свети́льницы яви́лися есте́ в нощи́ многомяте́жнаго и плаче́внаго жития́ на́шего, преподо́бнии отцы́ на́ши Андрони́че и Са́вво, разгоня́юще тьму неве́рия и озлобле́ния и просвеща́юще зе́млю Росси́йскую све́том ве́ры Христо́вой, сего́ ра́ди воспева́ем вам та́ко:

Pа́дуйтеся, свети́льницы пресве́тлии, огне́м Боже́ственным мир озаря́ющии.

Pа́дуйтеся, я́ко и по отше́ствии ва́шем в небе́сныя оби́тели непреста́нное попече́ние о нас явля́ющии.

Pа́дуйтеся, в со́нном виде́нии мно́гим явля́вшиися.

Pа́дуйтеся, я́ко тем спя́щим предста́вше, об оби́телех небе́сных Сладча́йшаго Го́спода Иису́са пове́даша.

Pа́дуйтеся, я́ко то́чите правосла́вным лю́дем росси́йским неизсяка́ющия исто́чники чуде́с.

Pа́дуйтеся, я́ко любо́вию почита́ющим вас во всех беда́х и напа́стех ско́ро помога́ете.

Pа́дуйтеся, ве́ры правосла́вныя утвержде́ние.

Pа́дуйтеся, го́рнему любому́дрию нас науча́ющии.

Pа́дуйтеся, житие́м свои́м равноа́нгельским путь в Ца́рство Небе́сное нам указу́ющии.

Pа́дуйтеся, моли́твенницы кре́пцыи за Русь правосла́вную.

Pа́дуйтеся, я́ко честна́ пред Го́сподем кончи́на ва́ша, преподо́бнии.

Pа́дуйтеся, преподо́бнии отцы́ на́ши Андрони́че и Са́вво, оби́тели Сладча́йшаго Го́спода Иису́са Бо́га на́шего первонача́льницы и пресла́внии чудотво́рцы.

Благода́ть да́нную вам от  Го́спода сил ви́дяще, мо́лим вас, па́стырие на́ши и учи́телие, испроси́те у Христа́ Бо́га на́шего мир и спасе́ние гра́ду на́шему, оби́тели на́шей и живу́щим в ней, тишину́ и упокое́ние душе́вное и душа́м на́шим ве́лию ми́лость, да воспое́м Бо́гу отце́в на́ших песнь ве́чную: Аллилу́иа.

Пою́ще и велича́юще ди́внаго во святы́х свои́х Го́спода, ублажа́ем вас, преподо́бнии отцы́ на́ши Андрони́че и Са́вво, и рцем та́ко:

Pа́дуйтеся, наста́вницы мона́хов.

Pа́дуйтеся, собесе́дницы а́нгелов.

Pа́дуйтеся, я́ко мо́лите о нас Христа́ Бо́га на́шего.

Pа́дуйтеся, ско́рии помо́щницы в беда́х наших.

Pа́дуйтеся, пресла́внии чудотво́рцы земли́ Росси́йския.

Pа́дуйтеся, печа́ли и уны́ния ско́рии отгони́тели.

Pа́дуйтеся, гре́шных к покая́нию влеку́щии.

Pа́дуйтеся, я́ко Росси́я почита́ет оби́тель, ю́же вы насади́сте.

Pа́дуйтеся, я́ко гре́шнии и недосто́йнии прибега́ющии к вам ве́лие утеше́ние получа́ют.

Pа́дуйтеся, жи́зни на́шея утеше́ние.

Pа́дуйтеся, моли́тв на́ших преди́вное укрепле́ние.

Pа́дуйтеся, преподо́бнии отцы́ на́ши Андрони́че и Са́вво, оби́тели Сладча́йшаго Го́спода Иису́са Бо́га на́шего первонача́льницы и пресла́внии чудотво́рцы.

О пресла́внии чудотво́рцы и уго́дницы Христо́ви, преподо́бнии отцы́ на́ши Андрони́че и Са́вво, приими́те ма́лое сие́ моле́ние на́ше от умиле́ннаго се́рдца вам приноси́мое, и испроси́те у Христа́ Бо́га на́шего проще́ние согреше́ний на́ших, да всегда́ пое́м Тому́ Еди́ному со Отце́м и Святы́м Ду́хом песнь хвале́бную: Аллилу́иа.

Сей кондак глаголется трижды, таже:

А́нгельское вои́стину ликостоя́ние восполня́ли есте́ богому́дрии отцы́  на́ши Андрони́че и Са́вво, воздева́юще преподо́бнии свои́ ру́це Царю́ веко́в Сладча́йшему Го́споду Иису́су Христу́ моля́щеся о низпосла́нии оби́тели ва́шей всеси́льныя благода́ти Бо́жия. Мы же, стоя́ще в хра́ме ва́шем и покланя́ющеся вси ны́не ра́це моще́й ва́ших во умиле́нии глаго́лем:

Pа́дуйтеся, преподо́бнии отцы́ на́ши Андрони́че и Са́вво, со а́нгельскими ли́ки моля́щиися за ны Живонача́льной Тро́ице.

Pа́дуйтеся, покрови́тели оби́тели на́шея.

Pа́дуйтеся, хода́таи на́ши усе́рднии.

Pа́дуйтеся, цели́тели боле́зней на́ших теле́сных.

Pа́дуйтеся, уте́шители на́ших печа́лей душе́вных.

Pа́дуйтеся, я́ко всем посеща́ющим оби́тель ва́шу испро́сите ти́хое упокое́ние душе́вное.

Pа́дуйтеся, науча́ющии нас ра́доватися о Го́споде.

Pа́дуйтеся, ско́рби на́ша в ра́дость прелага́ющии.

Pа́дуйтеся, да́рующии нам пресла́дкую благода́ть Христо́ву.

Pа́дуйтеся, весе́лие на́ше духо́вное.

Pа́дуйтеся, ра́досте на́ша, я́ко не забыва́ете чад ва́ших духо́вных.

Pа́дуйтеся, преподо́бнии отцы́ на́ши Андрони́че и Са́вво, оби́тели Сладча́йшаго Го́спода Иису́са Бо́га на́шего первонача́льницы и пресла́внии чудотво́рцы.

Избра́нным от ю́ности своея́ моли́твенником усе́рдным к Сладча́йшему Го́споду Иису́су за зе́млю Росси́йскую благода́рственное пе́ние из глубины́ серде́ц на́ших прино́сим вам, преподо́бнии отцы́. Вы же, я́ко иму́щии ве́лие дерзнове́ние к Судии́ живы́х и ме́ртвых, испроси́те у Христа́ Бо́га грехо́в на́ших проще́ние, да зове́м вам та́ко: Pа́дуйтеся, преподо́бнии отцы́ на́ши Андрони́че и Са́вво, оби́тели Сладча́йшаго Го́спода Иису́са Бо́га на́шего первонача́льницы и пресла́внии чудотво́рцы.

О всехва́льная и досточу́дная дво́ице, преподо́бнии отцы́ на́ши Андрони́че и Са́вво! Услы́шите моле́ние сие́ на́ше, утоли́те печа́ли на́ша и боле́зни на́ша исцели́те. Ве́руем бо и упова́ем, я́ко вся́ потре́бная нам всегда́ да́руете. Ве́дите у́бо пресла́внии, я́ко ладия́ души́ на́шея мала́ е́сть, мо́ре же бу́рно и вели́ко зело́. Те́мже вопие́м вам: услы́шите нас, преподо́бнии, и помози́те нам многомяте́жное мо́ре жития́ сего́ прейти́ и бре́га приста́нища ти́хаго дости́гнути, да сподо́бимся наслади́тися безсме́ртнаго жития́ и в ра́дости и весе́лии со а́нгелы и все́ми святы́ми воспева́ти и превозноси́ти Отца́ и Сы́на и Свята́го Ду́ха во ве́ки веко́в. Ами́нь.

О преподо́бнии и Богоно́снии отцы́ , па́стырие и учи́телие и неле́ностнии наста́вницы на́ши! О земны́х небре́гше, в зе́млю кро́тких всели́лися есте́, из нея́же израсти́ли есте́ плоды́ доброде́телей; тле́нныя тала́нты не сокро́виществовавше, нетле́нныя тала́нты преумно́жили есте́ во сто крат и мно́жае; челове́ческия сла́вы теку́щия не иска́вше, возда́ли есте́ сла́ву Бо́гу и Спа́су всех и сего́ ра́ди прославля́етеся ны́не на Небесе́х в Це́ркви перворо́дных. Моли́те Человеколю́бца Спа́са Христа́, да просвети́т ны, помраче́нныя, покая́нием, да освяти́т ны, гре́шныя, си́лою, наи́тием и де́йствием благода́ти Свята́го Ду́ха, чрез достопокланя́емыя ико́ны подае́мою, да поми́лует ны, немощны́я, моли́твами ва́шими и предста́тельством Пренепоро́чныя Его́ Ма́тере и сподо́бит узре́ти сла́ву Пречи́стого ли́ка Своего́ во Ца́рствии Небе́снем. Ами́нь.

От ю́ности своея́, преподо́бнии отцы́ Андрони́че и Са́вво,/ в пусты́ни всели́стеся Се́ргия вели́каго,/ того́ житию́ после́дующе,/ плоды́ смире́ния и послуша́ния возрасти́ли есте́,/ сего́ ра́ди сподо́бившеся бы́ти строи́тели и первонача́льники/ обе́тныя оби́тели святи́теля Алекси́я,/ с ни́мже испроси́те у Христа́ Бо́га ве́рным лю́дем здра́вие и спасе́ние// и душа́м на́шим ве́лию ми́лость.